ASEQSI 12

Min iǧan "Talut Iqeddsen"?

"Talut Iqeddsen" aqqa-tt d Sidi Arebbi d Wawař nnes d Arruḥ Iqeddsen nnes uca nitni s třata d ijjen. Aqqa-t d Arebbi n marra min iǧan.

Imasiḥiyyen ssiwřen aṭṭas x 'talut iqeddsen': (1) Arebbi «Tbabat», (2) Awař n Arebbi (Yeccu Lmasiḥ, wenni itwasemman ɛawed Mmis n Arebbi) d (3) Arruḥ n Arebbi (Arruḥ Iqeddsen).

Awař "talut iqeddsen" war itwaf ca di řectab iqeddsen maca lfikra aqqa-t din s ṣṣfa aṭtas di Řɛahd n Jdid. Am mammec i ɣa naf di Linjil mani Yeccu Lmasiḥ itwasseɣḍeṣ zi Yuḥanna Amseɣḍaṣ :

« Ařami tuɣa itwasseɣḍeṣ Yeccu, yuři-d zeg waman deɣya. Xẓar, aqqa twarezmen as ijenwan uca iẓra Arruḥ n Arebbi ihwa-d amecnaw tadbirt uca tarsa xas.Xẓar, tusi-d ict n tmijja zeg ijenwan, tenna “Wanita d Mmi iɛizzen, dayes ufiɣ marra řefraḥet inu tekmeř . » (Linjil s ufus n Matta 3:16-17).