ASEQSI 8

Mařa Yeccu Lmasiḥ d Mmis n Arebbi, mayemmi ejj it Arebbi ad immet x ṣṣalib?

Ammu i d as yura Arebbi zeg umezwaru. Di tidett, marra man aya tuɣa yura di tira n imazanen aṭṭas zeg wami. Arebbi isscen asen belli Lmasiḥ ggur ad immet s minzi s idammen nnes ixs ad ixřeq ijj n řɛahd d jdid jar as d bnadem. U řami immut Lmasiḥ yarbu řḥukm n min tesdaheǧ ddunnit. Iɛeddeb ij n řeɛdab d ameqqran n tenḍeč maḥend neccin war neggur ɛad ad t netwaɛeddeb. Netta simant nnes inna:

"S tidett, s tidett, ad awem iniɣ, mařa war iwḍi řḥebb n yirden di tmurt uca ad immet, xenni ad iqqim weḥdes, maca mařa immut, xenni ad d tawyi řɣiǧet aṭṭas." (Yuḥanna 12:23)

Netta war iqqim weḥdes, minzi itwassnekkar-d zeg imettinen deg wass wiss třata, am mammec tuɣa inna i imeḥḍaren nnes qbeř.

Uca Arebbi issgaɛɛed it ɣar jjennet mani i ɣa yiři ar tuqqa n ddunnit. Uca ad d idweř maḥend ad iřqeḍ marra inni zzayes ittamnen uca ad ten iksi akides ɣar tudart n řebda. U nitni d ṣṣabet nnes.