Imedukkař iɛizzen

Ƴarneɣ i kenniw řexbar aṣebḥan!
Aqqa iḍhar-d Řɛahd n Jdid ikmeř s trifect uca man aya s třata n isekkilen:

- s tira n Tifinaɣ
- s tira n Tlatinect
- s tira n Taɛrabt

Tqad as i Arebbi x marra min d aneɣ iwca di Mmis, Yeccu Lmasiḥ.
Aqadi i Arebbi x tmewci nnes tammeqrant!

Narezzu x ca n iwdan (iryazen d temɣarin) inni ixsen ad aneɣ ɛawnen i usejjel n Řɛahd n Jdid,
inni izemmaren ad ɣaren Tarifit mliḥ s lḥuruf n Tifnaɣ niɣ s lḥuruf n latinit niɣ s lḥuruf n Teɛrabt,
iwdan inni ifehhmen min yuran dayes nican d inni ɣar iǧa ict n tmijja d taṣebḥant maca nnebřa
ma ad yiři ‘superbe’. Marra min ittxeṣṣ ad tegged d man aya:

- siggez niɣ ḍbeɛ ij n wedlis n Řɛahd n Jdid zi www.tarifit.info
- ɣar zzayes udem awarni wudem nneḍni s ijj n tmijja tejhed.
- sejjel i tt xenni s ij n musejjala (‘voice recorder’).
- tzemmared ad txezned di forma n MP3, WAV, AIFF d ɛad inneḍni am mammec texsed.
- ɣar umezwaru n wudem ittxeṣṣ ad tinid: (‘udem amezwaru’, ‘udem wiss tnayen’ etc.)
- war qqar ca min yuran sennej i tarfiqin (‘paragraph’) s isekkilen ibbarecnen.
- Maca sbed ɣar drus maca WAR tɛebbaz ca x ubuṭun n uḥater.
- xemmem ifayluten di remten nsen, u mařa aqqa-yen mliḥ, ɛafak sekk aneɣ-d ifayluten
d izeyniten.

Tqad ac aṭṭas!

Adlis Iqedsen n Arebbi iqqar deg wedlis aneggaru ‘Asargeb’ udem 1, layya 3 ammu:
Sseɛd n wenni iqqaren d yinni ittesřan awařen n ukacaf-a
uca ad ṭṭfen di min dayes itwarin. Aqqa řweqt tiweḍ-d.

Mařa ɣarek ca n řḥajet i zi nzemmar ad nestenfeɛ di řxedmet n tterjama d useggem nnes,
ari aneɣ d man aya s ict n tebrat (contact@tarifit.info).

Mařa texsed ad tewced cchadet x liman nnek di Lmasiḥ s webrid n www.tarifit.info,ari tt s Trifect s yisem nnek d amezwaru niɣ s ij n lḥarf waha. Mařa tufid ad tt tsejjled, mliḥ, egg itt di forma n mp3 niɣ ij n forma nneḍni uca sekk it id ɣarneɣ.