ؤُمِي قَّارنْ "ثَالُوثْ إِقدّْسنْ"؟

"ثَالُوثْ إِقدّْسنْ" أَقَا-ت ذ سِيذِي أَربِّي ذ وَاوَاڒْ نّسْ ذ أَرُّوحْ إِقدّْسنْ نّسْ ؤُشَا نِيثْنِي س ثْڒَاثَا ذ إِجّنْ. أَقَا-ث ذ أَربِّي ن مَارَّا مِينْ إِدْجَانْ.

ؤُمِي سِّيوْڒنْ إِمَاسِيحِييّنْ خْ 'ثَالُوثْ إِقدّْسنْ'، سِّيوْڒنْ نِيثْنِي خْ :

(1) أَربِّي «ثْبَابَاثْ»

(2) مِّيسْ ن أَربِّي (إِخْسْ أَذْ يِينِي يَاسُوع لْمَاسِيحْ، ونِّي إِثْوَاسمَّانْ عَاوذْ أَوَاڒْ ن أَربِّي)

(3) أَرُّوحْ ن أَربِّي (إِخْسْ أَذْ يِينِي أَرُّوحْ إِقدّْسنْ).

أَطَّاسْ ن إِرْيَازنْ ذِي دُّونِّيثْ-أَ ذَايْسنْ ثْڒَاثَا ن 'دَّارْبَاثْ ن بْنَاذمْ'. أَقَا-ثنْ ذ مِّيسْ ن بَابَاثْسنْ، مَاشَا إِ إِحنْجِيرنْ أَقَا-ثنْ ذ بَابَاثْسنْ ؤُ إِ ثمْغَارِينْ نْسنْ أَقَا-ثنْ ذ 'أَرْيَازْ إِنُو'. س ؤُينِّي نتَّافْ ثْڒَاثَا ن 'دَّارْبَاثْ ن بْنَاذمْ' ذڭْ يِيجّْ ن ورْيَازْ.

أَوَاڒْ "ثَالُوثْ إِقدّْسنْ" وَارْ إِثْوَافْ شَا ذڭْ وذْلِيسْ إِقدّْسنْ مَاشَا لْفِيكْرَا أَقَا-ت ذِينْ س صّْفَايثْ أَطْثَاسْ ذِي ڒْْعَاهْذْ أَجْذِيذْ.

ذِي لْ'إِنْجِيلْ نْزمَّارْ أَذْ نْغَارْ أَوَاڒنْ-أَ خْ ؤُسغْضصْ ن يَاسُوع لْمَاسِيحْ س ؤُفُوسْ ن يُوحَانَّا أَمْسغْضَاصْ:

« ڒَْامِي إِتّْوَاسّغْضصْ يَاسُوع، يُوڒِي-د زڭْ وَامَانْ ذغْيَا.

خْژَارْ، أَقَا ثْوَارزْمنْ أَسْ إِجنْوَانْ

ؤُشَا إِژْرَا أَرُّوحْ ن أَربِّي إِهْوَا-د أَمشْنَاوْ ثَاذْبِيرْثْ ؤُشَا ثَارْسَا خَاسْ.

خْژَارْ، ثُوسَا-د إِشْثْ ن ثْمِيجَّا زڭْ إِجنْوَانْ، ثنَّا

”وَانِيثَا ذ مِّي إِعِيزّنْ، ذَايْسْ ؤُفِيغْ مَارَّا ڒفْرَاحثْ إِنُو ثكْمڒْ. »

(لْ'إِنْجِيلْ س ؤُفُوسْ ن مَاتَّا 3:16-17).

نتَّافْ أَقَا 'ثَالُوثْ إِقدّْسنْ" ثُوغَا ذِينْ ذِي ڒْْوقْثْ ذ إِشْثنْ أَمْ مَامّشْ نِيثْنِي دْجَانْ ذ إِجّنْ.

قْبڒْ مَّا د-إِسّْڭَاعّذْ يَاسُوع لْمَاسِيحْ غَارْ ؤُجنَّا إِنَّا إِ إِمحْضَارنْ نّسْ أَمُّو:

”ثمّوْشْ أَيِي مَارَّا صُّولْطَا ذڭْ ؤُجنَّا ؤُ خْ ثمُّورْثْ.

رُوحمْ، أَرّمْ مَارَّا ڒڭْنُوسْ ذ إِمحْضَارنْ إِنُو،

سّْغضْصمْ ثنْ س يِيسمْ ن ثْبَابَاثْ ذ ثْممِّيثْ ذ أَرُّوحْ إِقدّْسنْ

ؤُ سْڒمْذمْ أَسنْ أَذْ طّْفنْ ذِي مَارَّا مِينْ خفْ كنِّيوْ ؤُمُورغْ زَّايسْ،

ؤُ خْزَارْ، نشّْ أَقَا-يِي أَكِيذْومْ مَارَّا ؤُسَّانْ أَڒْ قطُّو ن دُّونِيثْ.“

يَاسُوع لْمَاسِيحْ وَارْ إِبَارّحْعمَّارْصْ س ثْڒَاثَا ن إِربِّيثنْ، لَّا، مَاشَا إِبَارّحْ س يِيجّْ ن يِيسمْ نِّي ذِي إِدْجَانْ ثْڒَاثَا ذ إِجّْ أَمْ مَامّشْ إِنَّا لْمَاسِيحْ:

"نشّْ ذ بَابَا ذ إِجّنْ"(لْ'إِنْجِيلْ س ؤُفُوسْ ن يُوحَانَّا 10:30)

نتَّا وَارْ إِسِّيوڒْ شَا خْ يُوسُوفْ، أَرْيَازْ ن مَارْيَامْ، مَاشَا خْ أَربِّي. أَمُّو نتَّافْ أَقَا ؤُڒَا ذ ثَابَابَاثْ ذ مِّيسْ ذ أَرُّوهْ ذ إِجّنْ.