مَا بدّْڒنْ إِمَاسِيحِييّنْ أَذْلِيسْ إِقدّْسنْ أَمْ مَامّشْ قَّارنْ شَا ن إِوْذَانْ؟

وَارْ خَاسْ نسِّيوِيڒْ، مَاڒَا ثقَّارذْ مَانْ أَيَا، أَقَا ثْقَاجَاحذْ أَمُّو أَربِّي سِيمَانْثْ نّسْ، مَاشِي إِمَاسِيحِييّنْ ذ وُوذَاينْ.

:أَمُّو إِ قَّارْ أَربِّي ذڭْ وَاوَاڒْ نّسْ أَمُّو

« خْ مَانْ أَيَا إِ ذ أَيِي إِنَّا سِيذِي: "ثژْرِيذْ مْلِيحْ، أَقَا نشّْ حطِّيغْ أَوَاڒْ إِنُو مَاحنْذْ أَذْ ث تّڭّغْ“ »   (إِرْمِييَا 1:12)

أَربِّي وَارْ إِتّطّصْ شَا. أَربِّي إِنْضَارْ ثِيطَّاوِينْ نّسْ خْ دُّونِيثْ ؤُ إِحطَّا أَوَاڒْ نّسْ ڒَْامِي نتَّا إِسّنْ أَقَا ڒعْذُو، شِّيطَانْ، وَارْ إِخْسْ مَاحنْذْ إِوْذَانْ أَذْ غَارنْ أَوَاڒْ ن أَربِّي.

أَوَاڒْ ن أَربِّي ذ ثِيذتّْ (يُوحَانَّا 17:17)، أَقَا-ث ذ أَرُّوحْ ذ ثُوذَارْثْ (يُوحَانَّا 6:36). س ؤُينِّي شِّيطَانْ وَارْ إِخْسْ شَا أَقَا أَذْ خَاسْ أَرْزُونْ إِوْذَانْ. نتَّا يِيوضْ أَذْ إِسّقْنعْ أَبَارُّو ن إِوْذَانْ مَاحنْذْ وَارْ قَّارنْ لْ'إِنْجِيلْ ؤُشَا إِسِّيذفْ أَسنْ ذڭْ ؤُزدْجِيفْ بلِّي إِمَاسِيحِييّنْ زوَّارمْ أَوَاڒْ نّسْ ؤُشَا إِوْذَانْ تّْعَاوَاذنْ إِخَارِّيقنْ نّسْ بْڒَا مَا أَذْ خَارْصنْ. إِنَّا يَاسُوع لْمَاسِيحْ:

« مِينْزِي س ثِيذتّْ أَذْ أَومْ إِنِيغْ، أَڒْ إِ غَا إِفْنَا ؤُجنَّا ذ ثمُّورْثْ، وَارْ إِفنِّي ؤُڒَا ذ إِجّْ ن ڒْْحَارْفْ نِيغْ ذ ثَانقِّيطْ زِي شَّارِيعَا أَڒْ إِ غَا إِمْسَارْ كُوڒْشِي. » (مَاتَّا 5:18).

مَا ثغْرِيذْ لْ'إِنْجِيلْ؟ مِينْ خَاسْ ثسّْنذْ؟ مَا إِعدّڒْ إِمحْضَارنْ ن ؤُنَابِي زعْمَا أَذْ سّْفَارْغنْ أَوَاڒنْ نّسْ ؤُ أَذْ سّعْذُونْ شَا ن وَاوَاڒنْ نّضْنِي ذڭْ ومْشَانْ نْسنْ؟ مَا زعْمَا ڭُّورْ أَذْ أَفنْ أَوَاڒنْ ن ؤُمَازَانْ وَارْ إِغْڒِينْ خْ ثُوذَارْثْ نْسنْ؟ إِسّعْذُو يَاسُوع لْمَاسِيحْ أَوَاڒنْ نّسْ إِ إِمحْضَارنْ نّسْ مَاحنْذْ أَذْ ثنْ حْضَانْ نِيشَانْ. إِنَّا لْمَاسِيحْ خْ وَاوَاڒنْ نّسْ:

”أَجنَّا ذ ثْمُورْثْ أَذْ عْذُونْ مَاشَا أَوَاڒنْ إِنُو وَارْعدُّونْعمَّارْصْ.“ (مَاتَّا 24:35)

ڒَامِي ثُوغَا إِدَّارْ لْمَاسِيحْ ذِي ثمُّورْثْ، ثُوغَا إِڭُّورْ مَانِي مَّا. أَطَّاسْ ن إِعُورَّاشْ ن إِوْذَانْ ؤُسِينْ-د مَاحنْذْ أَذْ ژَترنْ مِينْ إِتّڭّْ ؤُ مَاحنْذْ أَذْ سْڒنْ مِينْ إِقَّارْ. مَا زعْمَا ڭُّورْ أَذْ تُّونْ أَوَاڒنْ نّسْ ذ ڒفْعَايڒْ نّسْ؟ مَا زعْمَا ڭُّورْ أَذْ قبْڒنْ أَوَاڒنْ ن لْمَاسِيحْ مَاعْلِيكْ فَارْغنْ؟

خنِّي ذِينْ ؤُڒَا ذ إِشْثْ ن ڒْْحَاجثْ نّضْنِي. ڒَْامِي ؤُرِينْ إِمحْذَارنْ أَوَاڒنْ ن لْمَاسِيحْ (ڒخْبَارْ أَسبْحَانْ) أَقَا إِثْوَاسّعْذُو غَارْ مَارَّا ثِيغمُّورَا ن دُّونِيثْ. خْمِي إِ غَا نِينِي أَقَا شَا ن إِوْذَانْ أَرزُّونْ أَذْ سّْفَارْغنْ نِيغْ أَذْ زوَّارنْ ڒخْبَاڒْ أَسبْحَانْ، مَامّشْ ڭِّينْ زمَّارنْ أَذْ بدّْڒنْ ثِيرَا-يَا مَارَّا مَانِي مَّا ؤُ أَذْ ث بدّْڒنْ نِيشَانْ ذڭْ ؤُمُورْ ذ إِجّنْ ذِي دُّونِيثْ مَارَّا؟ أَقَا وَارْ زمَّارنْ أَذْ ڭّنْ مَانْ أَيَا. ڒخْبَاڒْ أَسبْحَانْ وَارْ إِزوَّارْ شَا. أَربِّي إِحطَّا  أَوَاڒنْ نّسْ. لْ'إِنْجِيلْ وَارْ ذ أَنغْ إِسِّيڭّْوِيجْ شَا زِي أَربِّي، مَاشَا لْ'إِنْجِيلْ إِسّْبَانْ أَنغْ-د مَامّشْ إِتّْخصَّا أَذْ غَارْسْ د-نْقَارّبْ ؤُ مَامّشْ نْزمَّارْ أَذْ نسّنْ أَقَا أَربِّي إِخْسْ أَذْ أَنغْ إِبَاركْ ذِي لْمَاسِيحْ.

وَارْ ثجِّي ڒعْذُو أَذْ شكْ إِسّْحَارّمْ خْ وَاوَاڒْ ن أَربِّي ؤُ خْ ونِّي ذ أَشْ / أَمْ إِتّخْسنْ ذ ونِّي إِوْشِينْ ثُوذَارْثْ نّسْ خَاكْ / خَامْ.

بْڒَا أَوَاڒْ ن ثِيذتّْ ن أَربِّي، وَارْ ثڭُّورذْ أَذْ ثْزمَّارذْ أَذْ ثسّْنذْ أَربِّي ن ثِيذتّْ ؤُڒَا ذ أَبْرِيذْ إِ غَارْسْ إِتَّاوْينْ.