مَاڒَا يَاسُوع لْمَاسِيحْ ذ مِّيسْ ن أَربِّي، مَايمِّي ث إِجَّا أَربِّي أَذْ إِمُّوثْ خْ صَّالِيبْ؟

أَمُّو إِ ذ أَسْ يُورَا أَربِّي زڭْ ؤُمزْوَارُو. ذِي ثِيذتّْ، مَارَّا مَانْ أَيَا ثُوغَا يُورَا ذِي ثِيرَا ن إِنَابِييّنْ أَطَّاسْ زڭْ وَامِي. أَربِّي إِسّْشنْ أَسنْ بلِّي لْمَاسِيحْ ڭُّورْ أَذْ إِمّثْ س مِينْزِي س إِذَامّنْ نّسْ إِخْسْ أَذْ د-إِخْڒقْ إِجّْ ن ڒْْعَاهْذْ أَجْذِيذْ جَارَاسْ ذ بْنَاذمْ. ڒَْامِي إِمُّوثْ لْمَاسِيحْ يَارْبُو لْحُوكْمْ ن مِينْ ثسْذَاهدْجْ دُّونِّيثْ. إِعدّبْ إِثْ أَربِّي س يِيجّْ ن ڒعْذَابْ ذ أَمقّْرَانْ مَاحنْذْ نشِّينْ وَارْ نڭُّورْ عَاذْ أَذْ نثْوَاعدّبْ. نتَّا سِيمَانْثْ نّسْ إِنَّا:

"س ثِيذتّْ، س ثِيذتّْ، أَذْ أَومْ إِنِيغْ، مَاڒَا وَارْ إِوْضِي ڒْْحبّْ ن يِيرْذنْ ذِي ثمُّورْثْ ؤُشَا أَذْ إِمُّوثْ،

خنِّي أَذْ إِقِّيمْ وحْذسْ، مَاشَا مَاڒَا إِمُّوثْ، خنِّي أَذْ د-ثَاوْيِي ڒْْغِيدْجثْ أَطَّاسْ."

(يُوحَانَّا 12:24)

لْمَاسِيحْ وَارْ إِقِّيمْ وحْذسْ، مِينْزِي إِثْوَاسّْنكَّارْ-د زڭْ إِمتِّيننْ ذڭْ وَاسّْ وِيسّْ ثْڒَاثَا، أَمْ مَامّشْ ثُوغَا إِنَّا إِ إِمحْضَارنْ نّسْ قْبڒْ.

ؤُشَا أَربِّي إِسّْڭَاعّذْ إِثْ غَارْ ؤُجنَّا مَانِي إِ غَا يِيڒِي أَڒْ ثُوقَّا دُّونِيثْ. ؤُشَا أَذْ د-إِذْوڒْ مَاحنْذْ أَذْ إِڒْقضْ مَارَّا إِنِّي زَّايسْ إِتَّامْننْ ؤُشَا أَذْ ثنْ إِكْسِي أَكِيذسْ غَارْ ثُوذَارْثْ ن ڒبْذَا. نِيثْنِي أَذْ إِڒِينْ ذ صَّابثْ نّسْ.