ⵓⵎⵉ ⵇⵇⴰⵔⴻⵏ "ⵜⴰⵍⵓⵜ ⵉⵇⴻⴷⴷⵙⴻⵏ"?

"ⵜⴰⵍⵓⵜ ⵉⵇⴻⴷⴷⵙⴻⵏ" ⴰⵇⴰ-ⵜⵜ ⴷ ⵙⵉⴷⵉ ⴰⵔⴻⴱⴱⵉ ⴷ ⵡⴰⵡⴰⵍ ⵏⵏⴻⵙ ⴷ ⴰⵔⵔⵓⵃ ⵉⵇⴻⴷⴷⵙⴻⵏ ⵏⵏⴻⵙ ⵓⵛⴰ ⵏⵉⵜⵏⵉ ⵙ ⵜⵍⴰⵜⴰ ⴷ ⵉⵊⵊⴻⵏ. ⴰⵇⴰ-ⵜ ⴷ ⴰⵔⴻⴱⴱⵉ ⵏ ⵎⴰⵔⵔⴰ ⵎⵉⵏ ⵉⵍⵍⴰⵏ.

ⵓⵎⵉ ⵙⵙⵉⵡⵍⴻⵏ ⵉⵎⴰⵙⵉⵃⵉⵢⵢⴻⵏ ⵅ 'ⵜⴰⵍⵓⵜ ⵉⵇⴻⴷⴷⵙⴻⵏ', ⵙⵙⵉⵡⵍⴻⵏ ⵏⵉⵜⵏⵉ ⵅ :

(1) ⴰⵔⴻⴱⴱⵉ «ⵜⴱⴰⴱⴰⵜ»

(2) ⵎⵎⵉⵙ ⵏ ⴰⵔⴻⴱⴱⵉ (ⵉⵅⵙ ⴰⴷ ⵢⵉⵏⵉ ⵢⴰⵙⵓⵄ ⵍⵎⴰⵙⵉⵃ, ⵡⴻⵏⵏⵉ ⵉⵜⵡⴰⵙⴻⵎⵎⴰⵏ ⵄⴰⵡⴻⴷ ⴰⵡⴰⵍ ⵏ ⴰⵔⴻⴱⴱⵉ)

(3) ⴰⵔⵔⵓⵃ ⵏ ⴰⵔⴻⴱⴱⵉ (ⵉⵅⵙ ⴰⴷ ⵢⵉⵏⵉ ⴰⵔⵔⵓⵃ ⵉⵇⴻⴷⴷⵙⴻⵏ).

ⴰⵟⵟⴰⵙ ⵏ ⵉⵔⵢⴰⵣⴻⵏ ⴷⵉ ⴷⴷⵓⵏⵏⵉⵜ-ⴰ ⴷⴰⵢⵙⴻⵏ ⵜⵍⴰⵜⴰ ⵏ 'ⴷⴷⴰⵔⴱⴰⵜ ⵏ ⴱⵏⴰⴷⴻⵎ'. ⴰⵇⴰ-ⵜⴻⵏ ⴷ ⵎⵎⵉⵙ ⵏ ⴱⴰⴱⴰⵜⵙⴻⵏ, ⵎⴰⵛⴰ ⵉ ⵉⵃⴻⵏⵊⵉⵔⴻⵏ ⴰⵇⴰ-ⵜⴻⵏ ⴷ ⴱⴰⴱⴰⵜⵙⴻⵏ ⵓ ⵉ ⵜⴻⵎⵖⴰⵔⵉⵏ ⵏⵙⴻⵏ ⴰⵇⴰ-ⵜⴻⵏ ⴷ 'ⴰⵔⵢⴰⵣ ⵉⵏⵓ'. ⵙ ⵓⵢⴻⵏⵏⵉ ⵏⴻⵜⵜⴰⴼ ⵜⵍⴰⵜⴰ ⵏ 'ⴷⴷⴰⵔⴱⴰⵜ ⵏ ⴱⵏⴰⴷⴻⵎ' ⴷⴻⴳ ⵢⵉⵊⵊ ⵏ ⵡⴻⵔⵢⴰⵣ

ⴰⵡⴰⵍ "ⵜⴰⵍⵓⵜ ⵉⵇⴻⴷⴷⵙⴻⵏ" ⵡⴰⵔ ⵉⵜⵡⴰⴼ ⵛⴰ ⴷⴻⴳ ⵡⴻⴷⵍⵉⵙ ⵉⵇⴻⴷⴷⵙⴻⵏ ⵎⴰⵛⴰ ⵍⴼⵉⴽⵔⴰ ⴰⵇⴰ-ⵜⵜ ⴷⵉⵏ ⵙ ⵚⵚⴼⴰⵢⴻⵜ ⴰⵟⵜⴰⵙ ⴷⵉ ⵍⵄⴰⵀⴷ ⴰⵊⴷⵉⴷ.

ⴷⵉ ⵍ'ⵉⵏⵊⵉⵍ ⵏⵣⴻⵎⵎⴰⵔ ⴰⴷ ⵏⵖⴰⵔ ⴰⵡⴰⵍⴻⵏ-ⴰ ⵅ ⵓⵙⴻⵖⴹⴻⵚ ⵏ ⵢⴰⵙⵓⵄ ⵍⵎⴰⵙⵉⵃ ⵙ ⵓⴼⵓⵙ ⵏ ⵢⵓⵃⴰⵏⵏⴰ ⴰⵎⵙⴻⵖⴹⴰⵚ:

« ⵍⴰⵎⵉ ⵉⵜⵜⵡⴰⵙⵙⴻⵖⴹⴻⵚ ⵢⴰⵙⵓⵄ, ⵢⵓⵍⵉ-ⴷⴷ ⵣⴻⴳ ⵡⴰⵎⴰⵏ ⴷⴻⵖⵢⴰ.

ⵅⵥⴰⵔ, ⴰⵇⴰ ⵜⵡⴰⵔⴻⵣⵎⴻⵏ ⴰⵙ ⵉⵊⴻⵏⵡⴰⵏ

ⵓⵛⴰ ⵉⵥⵔⴰ ⴰⵔⵔⵓⵃ ⵏ ⴰⵔⴻⴱⴱⵉ ⵉⵀⵡⴰ-ⴷⴷ ⴰⵎⴻⵛⵏⴰⵡ ⵜⴰⴷⴱⵉⵔⵜ ⵓⵛⴰ ⵜⴰⵔⵙⴰ ⵅⴰⵙ.

ⵅⵥⴰⵔ, ⵜⵓⵙⴰ-ⴷⴷ ⵉⵛⵜ ⵏ ⵜⵎⵉⵊⵊⴰ ⵣⴻⴳ ⵉⵊⴻⵏⵡⴰⵏ, ⵜⴻⵏⵏⴰ

“ⵡⴰⵏⵉⵜⴰ ⴷ ⵎⵎⵉ ⵉⵄⵉⵣⵣⴻⵏ, ⴷⴰⵢⵙ ⵓⴼⵉⵖ ⵎⴰⵔⵔⴰ ⵍⴻⴼⵔⴰⵃⴻⵜ ⵉⵏⵓ ⵜⴻⴽⵎⴻⵍ. »

(ⵍ'ⵉⵏⵊⵉⵍ ⵙ ⵓⴼⵓⵙ ⵏ ⵎⴰⵜⵜⴰ 3:16-17).

ⵏⴻⵜⵜⴰⴼ ⴰⵇⴰ 'ⵜⴰⵍⵓⵜ ⵉⵇⴻⴷⴷⵙⴻⵏ" ⵜⵓⵖⴰ ⴷⵉⵏ ⴷⵉ ⵍⵡⴻⵇⵜ ⴷ ⵉⵛⵜⴻⵏ ⴰⵎ ⵎⴰⵎⵎⴻⵛ ⵏⵉⵜⵏⵉ ⵍⵍⴰⵏ ⴷ ⵉⵊⵊⴻⵏ.

ⵇⴱⴻⵍ ⵎⵎⴰ ⴷⴷ-ⵉⵙⵙⴳⴰⵄⵄⴻⴷ ⵢⴰⵙⵓⵄ ⵍⵎⴰⵙⵉⵃ ⵖⴰⵔ ⵓⵊⴻⵏⵏⴰ ⵉⵏⵏⴰ ⵉ ⵉⵎⴻⵃⴹⴰⵔⴻⵏ ⵏⵏⴻⵙ ⴰⵎⵎⵓ:

«ⵜⴻⵎⵎⴻⵡⵛ ⴰⵢⵉ ⵎⴰⵔⵔⴰ ⵚⵚⵓⵍⵟⴰ ⴷⴻⴳ ⵓⵊⴻⵏⵏⴰ ⵓ ⵅ ⵜⴻⵎⵎⵓⵔⵜ.

ⵔⵓⵃⴻⵎ, ⴰⵔⵔⴻⵎ ⵎⴰⵔⵔⴰ ⵍⴻⴳⵏⵓⵙ ⴷ ⵉⵎⴻⵃⴹⴰⵔⴻⵏ ⵉⵏⵓ,

ⵙⵙⵖⴻⴹⵚⴻⵎ ⵜⴻⵏ ⵙ ⵢⵉⵙⴻⵎ ⵏ ⵜⴱⴰⴱⴰⵜ ⴷ ⵜⵎⴻⵎⵎⵉⵜ ⴷ ⴰⵔⵔⵓⵃ ⵉⵇⴻⴷⴷⵙⴻⵏ

ⵓ ⵙⵍⴻⵎⴷⴻⵎ ⴰⵙⴻⵏ ⴰⴷ ⵟⵟⴼⴻⵏ ⴷⵉ ⵎⴰⵔⵔⴰ ⵎⵉⵏ ⵅⴻⴼ ⴽⴻⵏⵏⵉⵡ ⵓⵎⵓⵔⴻⵖ ⵣⵣⴰⵢⴻⵙ,

ⵓ ⵅⵣⴰⵔ, ⵏⴻⵛⵛ ⴰⵇⴰ-ⵢⵉ ⴰⴽⵉⴷⵡⴻⵎ ⵎⴰⵔⵔⴰ ⵓⵙⵙⴰⵏ ⴰⵍ ⵇⴻⵟⵟⵓ ⵏ ⴷⴷⵓⵏⵉⵜ.»

ⵢⴰⵙⵓⵄ ⵍⵎⴰⵙⵉⵃ ⵡⴰⵔ ⵉⴱⴰⵔⵔⴻⵃ ⵄⴻⵎⵎⴰⵔⵚ ⵙ ⵜⵍⴰⵜⴰ ⵏ ⵉⵔⴻⴱⴱⵉⵜⴻⵏ, ⵍⵍⴰ, ⵎⴰⵛⴰ ⵉⴱⴰⵔⵔⴻⵃ ⵙ ⵢⵉⵊⵊ ⵏ ⵢⵉⵙⴻⵎ ⵏⵏⵉ ⴷⵉ ⵉⵍⵍⴰⵏ ⵜⵍⴰⵜⴰ ⴷ ⵉⵊⵊ ⴰⵎ ⵎⴰⵎⵎⴻⵛ ⵉⵏⵏⴰ ⵍⵎⴰⵙⵉⵃ:

«ⵏⴻⵛⵛ ⴷ ⴱⴰⴱⴰ ⴷ ⵉⵊⵊⴻⵏ» (ⵍ'ⵉⵏⵊⵉⵍ ⵙ ⵓⴼⵓⵙ ⵏ ⵢⵓⵃⴰⵏⵏⴰ 10:30)

ⵏⴻⵜⵜⴰ ⵡⴰⵔ ⵉⵙⵙⵉⵡⴻⵍ ⵛⴰ ⵅ ⵢⵓⵙⵓⴼ, ⴰⵔⵢⴰⵣ ⵏ ⵎⴰⵔⵢⴰⵎ, ⵎⴰⵛⴰ ⵅ ⴰⵔⴻⴱⴱⵉ. ⴰⵎⵎⵓ ⵏⴻⵜⵜⴰⴼ ⴰⵇⴰ ⵓⵍⴰ ⴷ ⵜⴰⴱⴰⴱⴰⵜ ⴷ ⵎⵎⵉⵙ ⴷ ⴰⵔⵔⵓⵀ ⴷ ⵉⵊⵊⴻⵏ.